Kukësi, si çdo vit tashmë, do të hyjë në merkato për të rindërtuar thuajse nga e para ekipin. Eksodi i largimeve është i madh me më shumë se gjysmën e skuadrës që ka derën e hapur. Duke qenë se nuk garojnë në Europë, verilindorët kanë plot 2 muaj për të ndërtuar skuadrën.
Së pari duhet të zgjidhet çështja e trajnerit teksa Rraman Hallaçi, as nuk është konfirmuar, as nuk ka zbritur nga posti i trajnerit, post të cilin e mori në mes të sezonit pas shkarkimeve të Gegës dhe Dobit. Objektivat në merkato ende s’janë të qarta por klubi është pranë rinovimit me mbrojtësin Ebert i cili ka qenë titullar absolut në prapavijë.
Një rol të rëndësishëm në rindërtimi ne ekipit do të luajnë edhe lojtarët e rinj. Hallaçi që kur mori përsipër detyrën e trajnerit të përkohshëm, ran ë sy me përdorimin e madh të të rinjve. Disa prej tyre kanë bindur drejtuesit të cilët besojnë në talentin e tyre dhe do të jenë pjesë e rëndësishme e skuadrës së re.
Momoh, Sula, Murati, Hasaj apo edhe lojtarë nga ekipet e moshave do të kenë shanset e tyre në sezonin e ardhshëm.
Lexo gjithashtu
