Transferimi i Kristjan Asllanit te Interi në merkaton e verës u prit më shumë interes në Itali teksa shihej si një nga talentët më premtues të Serie A. Djaloshi shqiptar shkëlqeu me Empolin në pozitën para mbrojtjes me qetësinë, saktësinë në pasime dhe vizionin e lojës. Këto atribute bënë që gjiganti zikaltër të shpenzonte plot 14 milionë euro për shërbimet e tij.
Mirëpo, teksa pritej t’i jepej shanse për të zhvilluar talentin e tij, Kristjan Asllani është “mbyllur” në stol duke marrë minuta vetëm në ndeshje të “përfunduara”.
Duke parë edhe paratë e shpenzuara, drejtori i zikaltërve Marotta i ka bërë thirrje trajnerit Inzaghi për aktivizim të shqiptarit, raporton Corriere dello Sport, pasi kalendari fillon e ngjeshet dhe rotacionet janë të nevojshme.
