Kreu i FSHF-së, Armand Duka ka marrë një letër urim për 59 vjetorin e lindjes. Numri një i futbollit në Shqipëri festoi dje 59 vjetorin e lindjes, me Gianni Infantino që ka falenderuar Dukën për kontributin e dhënë në futboll edhe në një vit të vështirë si ai pandemik. Në fund edhe një dëshirë për takim nga kreu i FIFA.
"I dashur President, në këtë ditë shumë të veçantë, ju lutem më lejoni t'ju uroj një ditëlindje të lumtur dhe ju shpreh urimet e mia më të ngrohta dhe fat, lumturi, shëndet të mirë dhe sukses në vitin që vjen.
Ky vit i kaluar, i cili na ka paraqitur me shumë sfida, megjithatë ka treguar dhe nxjerr në pah unitetin dhe solidaritetin shembullor të botës së futbollit dhe unë mund të përsëris falënderimet e mia të sinqerta për ju, për përpjekjet, punën dhe bashkëpunimin tuaj. Shihemi së shpejt i dashur Armand", shkruan Infantino.
Lexo gjithashtu
