Kreshnik Bajramaj ishte arbitri kyresor i ndeshjes së sotme Teuta-Skënderbeu. Një sfidë që u mbajt në mënyrë korrekt dhe një e tillë u pranua edhe nga trajneri Ilir Daja në fund të ndeshjes. Edhe pse u mund nga një gol në minutat, trajneri korçar e pranoi se gjykimi ishte mëse I rregullt e kur një gjë e tillë thuhet nga trajneri që humb ndeshjen merr edhe më shumë vlerësim.
Bajramaj është një arbitër në moshë të re që gjykon në Kategorinë Superiore dhe prej 2 sezonesh arbitron në Kategorinë Superiore. 34-vjeçari me profesion bankier nga Tirana ka zgjedhur të bëjë edhe gjyqtarin në fushën e blertë.
Në sfidën e sotme ishte i saktë në dy vendimet e dyshimta për penallti. Mesfushori Asion Daja prek topin me dorë, por në mënyrë të pavullnetshme dhe Bajramaj me të drejt vijon lojën.
Rasti i dytë ishte pengimi i Nikac nga Pollozhani brenda zonës, por edhe këtë herë gjyatari vepron drejt pasi mbrojtësi I Skënderbeut fillimisht prek topin.
Kreshink Bajramaj është një arbitër që lejon lojën e fortë dhe kjo u pa qartë në ndeshjen e sotme, por është gjithashtu edhe një arbitër që nuk e kursen kartonin pasi sot nxorri nga xhepi plotë 9 kartona të verdhë.
Lexo gjithashtu
