Enzo Fernandez ishte lojtari më i mirë i ri në Kupën e Botës. Paraqitjet e tij kanë rënë në syrin e shumë tifozëve të cilët panë të shkëlqejë me fanellën e Argjentinës”. Mesfushori shënoi 1 gol dhe asistoi në një tjetër rast, ndërsa u kthye në një lider te “Albiçelestët”. 21-vjeçari ka zhvilluar vetëm 10 ndeshje në total me Argjentinën dhe ai ka filluar të bëhej menjëherë i rëndësishëm te kampioni i botës. Por një histori e pabesueshme për të, një ëndërr e bërë realitet. Vetëm kur ishte 15-vjeç, Fernandez i kishte kërkuar Lionel Messit të mos e braktiste Argjentinën pasi “Pleshti” kishte deklaruar se do të largohej nga kombëtarja. Në letër shikohet se Enzo i kishte kërkuar Messit të argëtohej në fushën e lojës, pasi nëse ai argëtohej, do të argëtoheshin edhe shumë tifozët. “Si mund të të bindim për të vazhduar nëse ne jemi një katastrofë? Si mund të të bindim në momentin që në jetën tonë nuk kemi provuar as edhe 1% të presionit që ti ke? E di se kur zgjohesh në mëngjes dhe shihesh në pasqyrë, ndjen presionin e të gjithë kombit. Ata kërkojnë dhe presin që të bësh gjithçka në mënyrë perfekte dhe duket gati qesharake fakti që kërkojnë nga ty gjithçka. Si mund të bindim të qëndrosh në momentin që nuk e kuptojmë se je një qënie njerëzore si të gjithë, sigurisht ke një talent që askush tjetër nuk mund ta ketë, lojtari më i mirë në planet, por në fund je sërish një human. Si mund të të bindim të qëndrosh kur nuk kuptojmë se nuk je t’i përgjegjës për inatin që shkakton një disfatë? Le të provojmë dhe t’i kërkojmë vetes vetëm 1% nga ajo që i kërkojmë Messit. Si mund të të bindim të qëndrosh, kur t’i mund të ishe duke pushuar në plazh, por sërish je duke luajtur për kombëtaren. Megjithatë, sërish të vendosin në dyshim nëse vrapon sa duhet apo nëse këndon himnin. Lionel bëj çfarë të duash, por të lutem qëndro. Por, bëjë këtë që të argëtohesh sepse njerëzit kërkojnë të ta marrin këtë. Është një botë që ka një presion qesharak, dhe kërkojnë të të marrin gjënë më të rëndësishme në një lojë. Argëtimin. Të shoh ty me fanellën e kombëtares është krenaria më e madhe, luaj për t’u argëtuar sepse kur t’i argëtohesh, nuk e ke idenë sa shumë argëtohemi edhe ne. Faleminderit dhe më vjen keq”, përfundon letrën dedikuar Messit, Enzo Fernandez kur ishte vetëm 15-vjeç. Gjashtë vite më vonë, ai dhe idhulli i tij më i madh janë bashkë Kampionë të Botë dhe që të dy si Leo ashtu edhe Enzo kanë dhënë kontribut të jashtëzakonshëm së bashku.

 

View this post on Instagram

 

A post shared by FC MOTIVATE (@fcmotvate)