Bledian Krasniqi do të jetë lojtari më i ri i përfaqësueses së Kosovës. 23-vjeçari i cili aktivizohet me Zyrih në kampionatin zviceran dhe është një lider aty, ka vendosur që të luajë për “Dardanët”.
Sipas gazetarit Arlind Sadiku, mesfushori shqiptar është në pritje të pajiset me pasaportën e Kosovës. Më pas ai do të jetë i gatshëm për t’u aktivizuar me “Dardanët”, të cilët do të shtojnë forcat me cilësinë e Krasniqit.
Kujtojmë që për futbollistin dhe trajnerin Franco Foda ky do të jetë një ribashkim. Më parë, tekniku gjerman e ka stërvitur 23-vjeçarin në kohën kur ishte trajner i ‘gjigantit’ zviceran të Zyrih.
Përsa i përket Bledian Krasniqit, ai është rritur në futbollin zviceran. Ai ka luajtur gjithashtu për kombëtaret e Zvicrës që nga U15 e deri te U21, por më pas ka vendosur të zgjedhë Kosovën.
View this post on Instagram
Lexo gjithashtu
