Stadiumi “Fadil Vokrri” mbrëmjen e sotme do të jetë “Sold Out”. Të gjitha biletat për sfidën mes Kosovës dhe Qipros janë shitur dhe në mbrëmje shkallët e stadiumit do të jenë të mbushura plot e për plot me tifozët, të cilët do të mbështesin futbollistët për të arritur drejt suksesit.
Lajmin e ka bërë të ditur Federata E Futbolit të Kosovës nëpërmjet një postimi në rrjetet sociale. FFK falenderon tifozët për interesimin dhe mbështetjen e treguar ndaj ekipit.
Kujtojmë se Kosova do të presë në “Fadil Vokrri” skuadrën e Qipros për të bërë mes tyre llogaritë për raundin e 4 në Nations League. Takim ky që do të startojë në orën 20:45 dhe që vlen shumë për rrugëtimin e “Dardanëve” në këtë turne.
Ekipi i udhëhequr nga Franco Foda do të hyjë në fushë vetëm për fitoren, pasi tentojnë edhe vendin e parë në grupin C2. Aktualisht ndodhen në vendin e 2 me 6 pikë, 3 më pak se Rumania, e cila luan sonte ndaj Lituanisë.
Lexo gjithashtu
