Kosova triumfoi mbrëmjen e djeshme ndaj Islandës në sfidën e parë mes tyre. takim që përfundoi 2-1 dhe tashmë “Dardanët” hedhin një hap të rëndësishëm drejt ngjitjes në Ligën B të Nations League.
Por pas kësaj sfide nga Kosova janë larguar 2 futbollistë. Portieri Arijanet Muric dhe mesfushori Donat Rrudhani nuk do të udhëtojnë me Kombëtaren e Kosovës në Spanjë për ndeshjen e kthimit ndaj Islandës.
Ndërkohë Franco Foda ka menduar të bëjë pjesë të skuadrës portierin e Dritës, Faton Maloku. Ky i fundit do t’i bashkohet menjëherë ekipit dhe do të udhëtojë drejt Spanëjs për sfidën e dytë ndaj islandezve.
“Portieri Arijanet Muric dhe mesfushori Donat Rrudhani nuk do të udhëtojnë me Kombëtaren e Kosovës në Spanjë për ndeshjen e kthimit ndaj Islandës, për shkak të lëndimeve të pësuara në ndeshjen e mbrëmshme në stadiumin “Fadil Vokrri”.
Pas ekzaminimeve mjekësore është konstatuar se dy lojtarët në fjalë e kanë të pamundur të rikuperohen për ndeshjen e radhës. Ndërkohë, ekipit iu ka bashkuar portieri i Dritës, Faton Maloku.
Dardanët udhëtojnë sot pasdite drejt Murcia, ku të dielën do të zhvillohet ndeshja Islandë-Kosovë”, thuhet në postimin e FFK-së.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
