Ndeshja mes Kosovës dhe Rumanisë vazhdon të diksutohet. Banderola e shpalosur kundër Kosovës ka bërë bujë dhe tashmë të gjithë lojtarët “dardanë” kërkojnë drejtësi nga organet më të larta të qeverisjes së futbollit.
Kjo sfidë e cila përfundoi me shifrat 2-0 për Rumaninë, u ndërpre për rreth 50 minuta për shkak se tifozët rumunë shpalosën banderolën “Kosova është Serbi”. Në lidhje me këtë episod ka folur Fidan Aliti.
Në një intërvistë për median zviceriane ‘Blick.ch”, ish-mbrojtësi i Skënderbeut ka theksuar se Kosova është e lirë dhe pas episodit në Rumani skuadra nuk duhej të rikthehej sërish në fushë.
"Barazimi me Zvicrën dhe humbja me Rumaninë? Ndeshja ndaj Zvicrës ishte shumë emocionuese. Përgjigja më e mirë ndaj ngjarjeve të patolerushme në Rumani do të kishte qenë që ne të fitonim. Fatkeqësisht nuk ia dolë.
Banderola e tifozëve rumunë “Kosova është Serbi’? Këto janë deklarata politike që nuk kanë vend në futboll. Racizëm i hapur. Kosova është shtet i pavarur.
A e menduat braktisjen e ndeshjes? Nëse e shohim tani në të ftohtë, ky do të ishte vendimi i duhur. Vetëm atëherë do të kishim bërë një deklaratë të vërtetë. Në fund loja përfundoi normalisht dhe askush nuk u penalizua.
Çfarë u fol në dhomat e zhveshjes? Fillimisht zhvilluam një diskutim taktik. Deri atëherë ishim më mirë se Rumania dhe e kishim lojën nën kontroll. Më pas një delegacion i UEFA-s hyri në dhomën e zhveshjes dhe patëm një diskutim të gjatë.
Ndeshja vazhdoi dhe Kosova nuk luajti siç e nisi. Pse? “Ju ftoj të pyesni gjyqtarin për këtë. Kjo ishte fatkeqësi! Pas rifillimit, ai vazhdimisht fishkëlleu gjithçka kundër nesh. Kartoni i kuq ishte qesharak dhe u shpik një penallti për Rumaninë. Ky nuk është një justifikim, mund ta shikoni lojën përsëri, mos ngurroni.
Edhe himni juaj u vërshëllye. Sa dhemb kjo? Ne i prisnim dhe si profesionistë duhet të jemi në gjendje t’i përballojmë ato. Por njerëzit vazhduan të bërtisnin “Kosova është Serbi” dhe askush nuk u përgjigj. Vetëm me pankartën u duk se ishte kaluar përfundimisht kufiri.
4 pikë në 6 ndeshje? Këto pikë mund të mos mjaftojnë më. Por, kampionatin evropian nuk e humbëm kundër Zvicrës dhe Rumanisë, por më parë me barazimin ndaj Andorrës dhe humbjen ndaj Bjellorusisë”, ka deklaruar Aliti.
Lexo gjithashtu
