Ai është një ndër lojtarët me më shumë eksperiencë te Lushnja.
Prej pak muajsh nuk mund të ndihmojë ekipin e tij, pasi vuan prej një dëmtimi, që madje e detyroi që të kryente dhe ndërhyrje kirurgjikale. Fatmirësisht gjendja e tij po përmirësohet dhe mesfushori pritet të jetë i gatshëm në janar.
Në një intervistë për newsport.al , Lidi Korreshi flet për Kampionatin Shqiptar, problemet e Lushnjes dhe trjanerit Bano, si dhe në fund jep një mezash të fortë për tifozët.
Intervistoi: Klevin Muka
-Lidi përshëndetje si jeni tashmë pas operacionit? Kur do jeni i gatshem për tu rikthyer?
Për momentin jam duke kryer fizoterapi dhe jam mirë, por koha e rekupërimit është pak larg, besoj 100% në janar do jem në dispozicin të ekipit.
-Të shkuara! Si mendoni, ku çalon Lushnja këtë sezon? Perse nuk po arrin te fitorja?
Lushnja, përveç faktorit fushë, ndien mungesën e tifozerisë që janë një armë plus për ekipin dhe duhet të luaj pa frikë dhe pa tension, ana psikologjike mendoj se është problemi.
Ekipi ka lojtarë shumë të mirë, duhet të dalin nga gjendja ku janë dhe të japin më të mirën e tyre dhe besoj se do bëjnë kthesen.
-Mendoni se skuadra do t'ja dalë të mbijetojë, apo ka objektiva të tjera?
Po e rëndësishmja është mbijetesa, për këtë synojmë këtë sezon.
-Kush është pretendente sipas jush për ta fituar Kampionatin dhe me kë skuadër do të luftoni për mbijetesë.
Për të fituar kampionatin pa dyshim Skënderbeu, ka diçka më shumë se të tjerat. Dhe këtë po e tregon në Europë . Në garë me të do jetë Partizani dhe surprize mund te jetë Teuta, që mund të bëjë diçka më shumë. Kurse për mbijetesë shoh 2-3 ekipe që do konkurojnë me ne, për të qëndruar në elitë.
-Në ekip, sipas jush kush spikat më shume nga lojtarët?
Lushnja ka shumë lojtarë cilësorë, nuk është se ka individ të veçantë ka grup shum te mire dhe besoj se këtë do ta tregojë me ndeshjet në vazhdim.
-Marrëdhëniet tuaja me trajnerin Bano, si po e menaxhon ai gjëndjen e ekipit?
Po i kam marrëdhëniet shumë të mira me gjithë lojtarët e stafin. Menaxhinin e ekipit e ka pak të vështirë, pasi nuk ka as fushë për të bërë shtërvitjen, por me mund e sakrifica po ja del.
-Faleminderit Lidi për intervistën, ndonjë mesazh te fundit ose diçka për tifozet?
Nëqoftëse janë tifoza në të mirë e në të keq të mos e braktisin skuadrën, ekipi nuk lihet në baltë, normal kujt ja ndien sporti ta ndjeki, jo vetëm me fjalë. Faleminderit juve.
Lexo gjithashtu
