Dibranët janë akomoduar në qytetin e Peshkopisë mesditën e djeshme, ndërsa kanë nisur përgatitjet me ritme të larta. Nën drejtimin e trajnerëve Artan Mërgjyshi, Artion Poçi dhe Ermal Nexhipi, verilindorët po marrin ngarkesën e duhur për të qenë sa më në formë për kampionatin.
Veç stërvitjes, ata do të luajnë dhe pesë ndeshje miqësore gjatë qëndrimit në Peshkopi. Sfida e parë do të luhet kundër Skënderbeut ditën e diel, ndërsa në vijim do të luhen dy miqësore me Korabin e Dibrës së Madhe. Ndeshjet janë planifikuar të luhen në javët e ardhshme, ku me këtë skuadër do të ketë sfidë vajtje – ardhje.
Përpos këtyre tre ndeshjeve, janë rezervuar edhe dy skuadra të Superiores së Shqipërisë, Teuta dhe Kukësi. Korabi do të udhëtojë drejt Ohrit në ditët në vijim për t’u ndeshur me të dy ekipet që do të kryejnë fazën përgatitore në Maqedoni. Përpos këtyre ekipeve, mund të luhet dhe një takim miqësor me Lirinë e Prizrenit.
Lexo gjithashtu
