Sipas “Sport1” Liverpool ka shfaqur interes për mesfushorin hollandez të Bayern Munchen, Ryan Gravenberch. 20 vjeçari u afrua në merkaton e verës tek Bayern nga skuadra e Ajax. Por gjatë këtij sezoni ai nuk ka patur shumë minuta në dispozicion tek bavarezët. Ai ka një potencial të madh dhe këtë e ka treguar me Ajax vitet e shkuar dhe në ato pak minuta që është aktivizuar për Bayern.
Në Hollandë një nga trajnerët e tij te të rinjtë e Ajax e krahasonte me Paul Pogba. Nga ana tjetër Liverpool po vuan në mesfushë këtë sezon. “The Reds” kanë shumë boshllëqe në mesin e fushës dhe një lojtar si Gravenberch mund t’i mbylli këto hapësira. Ai konsiderohet me shume perspektivë dhe mund të jetë pikërisht lojtari që po kërkon Liverpool. Mbetet për t’u parë në merkaton e verës se çfarë ofensive do të ndërmarrë klubi anglez për të sjellë në ishull mesfushorin e Bayern.
Lexo gjithashtu
