Merkato ka hyrë në ditët e saj më të nxehta teksa klubet mendojnë për përforcimin e skuadrës dhe largimin e disa prej aktualve. Klubi i Ferizaj në Superligën e Kosovës ka kryer veprimin e bujshëm duke larguar në mënyrë të menjëhershme 5 futbollistë nga ekipi i tyre. Me anë të një njoftimi zyrtar, klubi kosovar ka lajmëruar largimin e Zgjim Mustafa, Përparim Livoreka, Fatih Karahoda, Dardan Jashari dhe Alban Rexhepi, të cilët ishin pjesë e skuadrës për 6 muaj. Të ndodhur në vendin e 10 të Superligës, klubi I Ferizajt ka njoftuar gjithashtu se së shpejti do të bëhej dhe zëvendësimi i tyre.
Njoftimi i klubit Ferizaj:
Zyrtare: FC Ferizaj liron 5 futbollistë.
Skuadra jonë sot ka liruar 5 futbollistë nga klubi, për t'i lënë të lirë që të transferohen në skuadra tjera.
Nuk arritëm marrëveshje për të vazhduar bashkëpunimin tonë, dhe kështu i ndajtëm rrugët me këta 5 futbollistë.
Futbollistët e larguar janë; Zgjim Mustafa, Përparim Livoreka, Fatih Karahoda, Dardan Jashari dhe Alban Rexhepi.
Ne si klub i falenderojmë futbollistët për kontributin e dhënë për 6 muaj, ndërsa skuadra jonë së shpejti pritët t'i zëvendësojë me futbollistë tjerë mjaftë cilësor.
Ferizaj, 17.01.2020
Lexo gjithashtu
