
Liverpool u ndal nga Chelsea në “Anfield” ditën e djeshmë, teksa skuadrat nuk shkuan më shumë se barazimi 0-0 me tyre. Një pikë që nuk i vlen as Graham Potter as Jurgen Klopp, pasi pozicioni i tyre në tabelën e klasifikimit lë shumë për të dëshiruar këtë sezon.
Por tekniku i “The Reds” nuk ka pikë dyshimi se skuadra e tij do të bëjë mirë në ndeshjet e mbetura, ndërsa do të nënvizonte se ai ka energji për të drejtuar Liverpool edhe për 10 vitet e ardhshme, edhe pse ndeshja e 1000 e tij si trajner përfundoi me 1 pikë.
“Motivimi im nuk është problem. Unë kam mjaft energji edhe për 10 vjet nëse doni!”, ka thënë Klopp për BT Sport.
Poll