Shpresat që Liverpooli të kualifikohet në Champions për sezonin e ardhshëm thuajse janë shuar pas barazimit me Aston Villa. I gjendur në një situatë të tillë trajneri i “The Reds”, Jurgen Klopp kërkon të ndërtojë një skuadër kompetitive për sezonin e ardhshëm. Bëhet fjalë për mesfushorin e Bayern Munich, Ryan Gravenberch.
Gravenberch, i cili u transferua në Bayern për 17 milionë euro verën e kaluar pasi kishte marrë vlerësime të mira për paraqitjet e tij me Ajaxin. Por transferimi në Mynih nuk ka qenë ashtu siç pritej, pas mesfushori Hollandez ka nisur vetëm dy ndeshje si titullarë në Bundesligë në këtë sezon.
Dhe mungesa e minutave në lojë bëri që Gravenberch të pranonte muajin e kaluar se adëshiron të luajë përsëri çdo javë dhe se situata e tij duhet të ndryshojë sezonin e ardhshëm.
I gjendur në këtë situatë futbollisti i ka kërkuar Bayernit që ta lërë të largohet për në Liverpool këtë verë, pasi ai është i bindur për një “rol kyç” nën drejtimin e Jurgen Klopp në Anfield. Sipas asaj që raportojnë mediat angleze ky operacion pritet t’i kushtojë Liverpoolit rreth 50 milionë euro pasi në garë janë edhe Manchester United dhe Newcastle.
Lexo gjithashtu
