Kimi Raikkonen do të vijojë të kontribuojë për skuderinë e Alfa Romeos. Piloti i njohur finlandez ka zgjatur bashkëpunimin me italianët.
Ai do të jetë pjesë e kësaj skuderie edhe në sezonin e ri. Fjalët pozitive s’kanë munguar, teksa pas rinovimit ka deklaruar:
“Alfa Romeo Racing ORLEN është më shumë se një ekip për mua, është si një familje e dytë.
Shumë nga fytyrat që ishin rreth meje kur bëra debutimin tim në Formula 1 në vitin 2001 janë këtu. Atmosfera unike e kësaj skuadre më motivon që të vazhdoj në atë që do të jetë sezoni im i 19-të në këtë sport”, ka thënë finlandezi, i cili do të vijojë të jetë sërish pjesë e Formula 1.