Apolonia u eliminua nga Kupa teksa u mposht nga Partizani në kryeqytet. Fierakët kaluan të parët në avantazh me golin e portierit Harizaj nga pika e bardhë, por Skuka, Hadroj dhe Mensah përmbysën rezultatin. Pas ndeshjes trajneri Artan Mërgjyshi foli për MCN TV.
“Kemi bërë mirë duke ditur edhe Partizanin dhe kontigjentin që ka në dispozicion. Partizani nuk ishte i fjetur në këtë ndeshje dhe pas zhgënjimit me Laçin ishte shumë i karikuar. Kemi bërë një ndeshje të mirë, kemi patur shanset tona. Rezultati 3-1 nuk është real, pasi kishim një rast pas 2-1, por e priti Hoxha. Jam i kënaqur me lojën e skuadrës. Diferencën e bën organika, pasi Partizani ka dy 11-she titullare. Objektivat? Patjetër që Kupa nuk u neglizhua nga ana jonë, por objektivi ynë kryesor është kampionati. Kemi diferencë me dy ekipet kryesuese, por do të bëjmë maksimumin në çdo ndeshje. Edhe “Play-off” është një mundësi për të arritur Superiores. Unë kam gjetur një skuadër të mirë dhe me kualitet, por nuk kemi shumë lojtarë në dispozicion. Duhet të fillojmë nga ndeshja e radhës për të marrë maksimumin”, u shpreh fillimit Mërgjyshi.
Merkato?
“Klubi po punon sepse unë kam vetëm 1 javë që jam afruar. Klubi ka mbyllur kontrata me 3 lojtarë që janë afrikanë. Por akoma nuk janë në dispozicion të skuadrës. Me ato 3 lojtarë do të jemi më të plotë aty ku kemi nevojë.”
Do e tentoni vendin e dytë?
“Diferenca është gati 12 pikë. Ekipet para nesh kanë objektivat e tyre dhe është shumë e vështirë. Por ne do t’i bëjmë hysmetin pasi kur luajtëm një ndeshje të tillë me Partizanin, ekipi e ka fuqinë edhe për gjëra të tjera.”
Lexo gjithashtu
