Valbona 0-1 Pogradeci
(Danladi 62')
Kategoria e Dytë: Finale
Stadiumi: Elbasan Arena
Arbitër: Emanuela Rusta
Pogradeci është skuadra kampione e Kategorisë së Dytë për sezonin 2023-2024. Liqenorët mposhtën Valbonën në finalen e madhe të luajtur në Elbasan Arena.
Heroi i tyre ishte afrikani Danladi i cili shënoi golin e vetëm të ndeshjes, një gol mjaft i bukur në pjesën e dytë që i jep të drejtën Pogradecit për të festuar pas fërshëllimës së trefishtë të gjyqtares Rusta.
Ndeshje me shumë raste në të dytën ku Valbona pati shanset e saj për të barazuar por shpërdoroi shumë para portës. Tropojanët duhet të kënaqen me medaljen e argjendit, por mbi të gjitha duhet t’i gëzohen arritjes historike ku do të jenë për herë të parë në historinë e tyre në Kategorinë e Parë.
Formacionet zyrtare:
Valbona: Birja; Mashi, Lushaku, Mziu, Ymeri, Kovaci, Lemçe, Farruku, Krasniqi, Zeqiraj, Joti. Trajner: A. Gjoni
Pogradeci: Baci; Ivani, Hysenllari, Pura, Peqini, Kazem, Qeleshi, Kendezi, Pengu, Danladi, Rapo. Trajner: S. Nikaj
LIVE:
90+8' Përfundon ndeshja.
90+7' Karton i dytë i verdhë për Diogo Da Silva. Braziliani ndëshkohet për protesta dhe lë Valbonën me 10 lojtar.
72' Rast i artë nga Valbona, Da Silva nxjerr Kovacin brenda zone dhe ky i fundit i bën parabël portierit, por topi shkon jashtë.
64' Shënon Valbona, por anësori ngre flamurin për pozicion offside të asistuesit.
62' GOL! Pogradeci kalon në avantazh me Danladi.
55' Ndërhyrje vendimtare e Farrukut, mbrojtësi i Valbonës largon topin para se të shkonte te sulmuesi kundërshtar.
52' Valbona e nis me marsh tjetër, tropojanët sulmojnë me forca të shumta në gjysmëfushën pogradecare.
46' Nis pjesa e dytë.
45+2' Mbyllet pjesa e parë.
37' Pretendim për penallti nga Pogradeci, gjyqtarja Rusta vijon e sigurtë lojën.
32' Valbona rrezikon nga këndorja, por goditja me kokë përfundon mbi traversë.
24' Ymeri godet në hyrje të zonës, por lehtë dhe qendrore për portierin Baci.
12' Kundërsulm i shpejtë i Pogradecit, Rapo i vetëm përballë portierit vendos të krosojë, por gjuan shumë fort duke humbur mundësi shënimi.
1' Fillon finalja e madhe, ekipet duan trofeun.
Lexo gjithashtu
