Kapiteni i “blaugranave”, Sergio Busquets është në përfundim të kontratës së tij me Barcelonën. 34 vjeçari ka luajtur me Barçën të gjithë karrierën e tij. Ai e ka arritur statusin e legjendës në Camp Nou me kontributin e tij. Por tani me përfundimin e kontratës spanjolli duhet të marri një vendim madhor.
Sipas “Mundo Deportivo” Busquets është në prag të marrjes së një vendimi mbi të ardhmen e tij. Trajneri Xavi e ka dhënë aprovimin që ai të vazhdojë të jetë lojtar i katalanasve, por klubi akoma nuk i ka dhënë një ofertë kontrate kapitenit. Busquets ka tërhequr interesimin e disa klubeve në MLS dhe Arabi Saudite.
Më herët ditën e sotme, Phil Neville trajneri i Inter Miami në MLS ka pranuar se ata janë përpjekur të nënshkruajnë me 34 vjeçarin së bashku me Lionel Messin. Para disa kohësh agjentët e lojtarit filluan negociatat me Inter Miami. Tani topi mbetet në krahun e Barcelonës dhe ata do të vendosin për një kontratë të re me kapitenin apo jo.
Lexo gjithashtu
