Është zhvilluar kampionati i bodybuilding ku kampion është shpallur Arbër Xhemali dhe Burim Vatoci në kategorinë e “Personave më aftësi të kufizuara”. I ftuar në emisionin “Abc-ja e mëngjesit” kampioni Xhemali ka folur për sportin që zhvillon dhe rregullat strikte.
“Sapo zbrita nga skena, gjëja e parë që mendova është yndyra dhe ëmbëlsirat”, u shpreh Arbër Xhemali.
Ndërkohë në lidhje nga Skype, foli dhe Burim Vatoci ku theksoi se janë të privuar nga shumë gjëra. “Ne sheqernat i kemi të ndaluara. Kemi mish të zier, pak oriz të zier dhe vetëm ujë. Është sakrificë e madhe por nëse ke vullnet dhe pasion ia del gjithmonë. Kur u organizuan disa gara mora një vendim që të marr pjesë. Disa shokë dhe sportistë më treguan se duhej të hyja këtu dhe më thanë se është më zor se në peshëngritje. Në bodybuilding duhet të heqësh yndyrën dhe të gjitha gjërat. Për 6 javë jam përgatitur dhe kam dalë në gara. Më pas shkova në Shkup ku u shpalla kampion në aftësi të ndryshme”.
