Sot, është luajtur ndeshja e Play-Off mes Akademisë së Futbollit U-15 dhe Partizanit U-15, e cila që ka përfunduar me rezultatin 1-0 në favor të ekipit të Akademisë. Por, një ngjarje e paprecedentë ka ndodhur në fundin e takimit teksa të gjithë prindërit e fëmijëve të skuadrës së Partizanit kanë hyrë në fushë duke u drejtuar nga arbitrat e ndeshjes.
Ata kanë pasur pretendime për një penallti të padhënë në fundin e takimit, por që për gjyqtarët e ndeshjes gjithçka ka qenë e rregullt. Newsport.al ka siguruar një video nga këto momente ku duken qartë prindërit që terrorizojnë e kërcënojnë "bilbilat" e sfidës. Madje njërin prej tyre e tradhëtojnë nervat, teksa drejtohet me fjalët ofenduese kundrejt arbitrave: "Ç'detyrë bëre ti more rrot ka*i? Apo ua kishte dhënë lekët Armand Duka". Takimi është zhvilluar në kompleksin stërvitor në Kamëz.
Të qash apo të qeshësh? Ja pra, nga këtu nis e ardhmja e futbollit profesionist. Prindërit duhet të ndërgjegjësohen dhe t'i lënë fëmijë të zhvillojnë talentin në fushën e blertë. Në të kundërt futbolli ynë do të shohë vetëm tatëpjetën. /Newsport.al/
Lexo gjithashtu
