Të gjithë e mbajnë mend Elvis Kabashin, ish-mesfushorin e Juventusit që refuzoi Shqipërinë pasi priste një ftesë nga Italia.
Ai ka luajtur edhe me Shqipërinë U19, por ndarjen nga kuqezinjtë e bëri përmes një letre të dërguar në FSHF, madje në gjuhën angleze ku shpjegonte arsyet e largimit nga Kombëtarja U19.
Por, në një intervistë të fundit për mediat italiane, Kabashi që sot luan në Liga Pro në Itali me Pontedera shprehet se nuk e ka refuzuar kurrë Shqipërinë.
“Unë kam luajtur me përfaqësuesen italiane të Serisë B, kam bërë Europianin e U-19 me Shqipërinë dhe atje kishim pak fërkime në këto vitet e fundit. Gazetat kanë shkruar se nuk desha të shkoja me ta, por nuk është e vërtetë pasi isha dëmtuar te Juventusi dhe dëshiroja të riaftësohesha.
U telefonova dhe u thashë se dëshiroja të qëndroja në Torino për të rikuperuar sa më mirë me sta n bardhezi, ishte më mirë për mua dhe për ata.
Babai im është lindur dhe rritur atje, zemra ime është shqiptare por ajo që ka rëndësi është të tregoj në fushë se e meritoj një thirrje të mundshme. Askush nuk do të të thërrasë nëse nuk paraqitesh mirë aty.
Kam origjinë shqiptare, sigurisht që kam zemrën e ndarë në mes pasi ky është gjaku im (qesh). Shqipëria është rritur shumë në vitet e fundit, ka një trajner të madh dhe po luan një futboll të mirë. Më parë shihej më pak, arriti këtë verë të kuali kohej në Europian. Italia ka një skuadër të fortë, të rinjtë janë krah për krah me kampionë që kanë tuar një Botëror si De Rosi e Bufon”, deklaron mesfushori Elvis Kabashi për sfidën Itali-Shqipëri.
Lexo gjithashtu
