Kampionati botëror do të nisë ditën e nesërme, teksa gjithë sytë e tifozëve anembanë botës do të përqendrohen te ndeshja hapëse e këtij turneu që Qatar do të zhvillojë me Ekuadorin. Në prag të këtij takimi, në konferencën për shtyp ka folur edhe trajneri i kombëtares vendase, Lefix Sanchez Bas.
“Është një temë për të cilën është folur shumë, por, për mendimin tim, ka shumë dezinformata dhe një qasje joproporcionale me realitetin. Sigurisht, humbja e një jete njerëzore në një vend pune është gjëja më tragjike që mund të ndodhë, në Katar dhe kudo tjetër në botë. Por shpresoj që Kupa e Botës mund të përmirësojë kushtet e të gjithë atyre njerëzve që jetojnë në kushte të pafavorshme, jo vetëm në Katar, por në çdo vend të botës”, shtoi ai.
Kjo dhe çështje të tjera, si të drejtat e njeriut, homoseksualiteti dhe gjithashtu liria e shtypit, kanë krijuar polemika në mbarë vendin, një çështje që nuk do të prekë ekipin pritës. “Ka shumë dezinformata. Por ne jemi duke u përgatitur për këtë Botëror prej vitesh, kemi një grup shumë solid dhe asgjë dhe askush nuk do të na destabilizojë. Kjo nuk do të na ndikojë në asnjë mënyrë”, përfundoi trajneri.
Lexo gjithashtu
