Irani me fitoren e arritur ndaj Uellsit bëri që shumë personazhe nga bota e sportit të flisnin për to. Jurgen Klinsmann ka nxitur polemika ndaj paraqitjes në fushën e lojës nga lojarët iranian, pasi sipas sulmuesit legjendar gjerman, ngacmimet ndaj arbitrit jaën kulturë e tyre.
Jurgen është anëtar i grupit të studimit teknik në Katar 2022, dhe gjatë analizës së tij në mënyrë të drejtpërdrejtë ka ofenduar kulturën e tyre.
Kjo gjë nuk i ka pëlqyer aspak trajnerit së kombëtares iraniane Carlos Queiroz, që nuk ka vonuar shumë përgjigjen ndaj tij, madje në reagimin e tij i ka bërë një ftesë tejet interesante për t’i treguar Klinsmannit shumë nga kultura iraniane.
Carlos Quiroz:“I dashur Jurgen. Ju morët iniciativën të më quani Carlos, ndaj besoj se është e duhura të të quaj Jurgen. E drejtë? Edhe duke mos më njohur mua personalisht, ju vini në dyshim karakterin tim me një gjykim tipik paragjykues të epërsisë.
Pavarësisht se sa mund ta respektoj atë që keni bërë brenda fushës, ato komente për kulturën e Iranit, kombëtaren e Iranit dhe lojtarët e mi janë një turp për futbollin. Askush nuk mund të cenojë integritetin tonë nëse nuk është në nivelin tonë, sigurisht.
Megjithëse duke thënë kështu, ne do të dëshironim t'ju ftojmë si mysafirin tonë, të vini në kampin tonë të Kombëtares, të shoqëroheni me lojtarët e Iranit dhe të mësoni prej tyre për vendin, popullin e Iranit, poetët dhe artin, algjebrën, të gjitha kulturën mijëvjeçare persiane dhe gjithashtu dëgjoni nga lojtarët tanë se sa shumë e duan dhe respektojnë futbollin.
Si amerikan/gjerman, ne e kuptojmë mungesën e mbështetjes suaj. Nuk ka problem. Dhe pavarësisht vërejtjeve tuaja të egra në BBC që përpiqen të minojnë përpjekjet, sakrificat dhe aftësitë tona, ne ju premtojmë se nuk do të japim asnjë gjykim në lidhje me kulturën, rrënjët dhe prejardhjen tuaj dhe se do të jeni gjithmonë të mirëpritur në familjen tonë.
Në të njëjtën kohë, ne thjesht duam të ndjekim me vëmendje të plotë se cili do të jetë vendimi i FIFA-s në lidhje me pozicionin tuaj si anëtar i Grupit të Studimit Teknik të Katarit 2022. Sepse, natyrisht ne presim që ju të jepni dorëheqjen përpara se të vizitoni kampin tonë.”
E si për të qetësuar situatën Klinsmann është shprehur: “Do të telefonoi Carlos, dhe do të qetësoj situatën, pasi në reagimin e tij ai kishte dalë jasht kontekstit.”
Lexo gjithashtu
