Tirana do të luaj një ndeshje delikate në mesjavë ndaj Flamurtarit. Sfidë e vleshme për Kupën e Shqipërisë që do të luhet në stadiumin Flamurtarin. Ndeshja e parë është mbyllur me fitoren e bardhebluve 2-0. Në një prononcim për "RTSH Sport" ka folur dhe afrimi i vetëm i skuadrës së Tiranës, Jurgen Goxha. Mbrojtësi ishte lojtari i vetëm që firmosi për Tiranën në merkaton e janarit duke bindur trajneri Mema pas provës dy javore. Goxha është shprehur se e ka patur ëndërr të luante për bardheblut dhe se Tirana është një ekip i madh.
"Është një ndjesi e veçante se kam qenë tifoz që i vogël me Tiranën. Kisha pak emocione në fillim, por me kalimin e kohës edhe çunat më dhanë besim".
"Shpresoj të shkoj sa më larg me këtë ekip pasi gjithmonë e kam ëndërruar diçka të tillë. Tirana është ekip i madh dhe ka lojtarë të mirë e me eksperiencë. Duhet të stërvitem shumë më shumë, pasi kam ardhur për të luajtur këtu dhe të kënaq tifozët".
"Nuk duhet të mendojmë se ka mbaruar. 2-0 është rezultat i keq ndonjëherë. Pse jo duhet të tregojmë atje me punë të vazhdojmë me rezultate pozitive. Fitimi i Kupës na ndihmon për të kapur Kupat e Evropës, është rruga më e shkurtër për Evropën. Gjithashtu dhe vendin e katërt duhet ta synojmë pasi është Tirana, ekipi më i madh në Shqipëri.
Lexo gjithashtu
