Muzaka dje, Muzaka sot, Muzaka nesër. Kur pritej që në klubin e Tiranës të dëgjoheshin emra që do t'i përkisnin merkatos së verës, mesfushori i Skënderbeut është më i përmenduri në klubin bardheblu. Ai ka fituar gjyqin me drejtuesit e Tiranës dhe tashmë këta të fundit duhet të paguajnë shumën e 107 milionë lekëve. 3 pikë iu zbriten fillimisht bardhebluve për shkak se kaluan afatet kur borxhi duhet shlyer.
Por, tashmë rrezikohen edhe 3 pikë të tjera, pasi ka kaluar çdo lloj afati për të paguar këstin e parë. Në rast se drejtuesit e klubit të Tiranës nuk lëvizin sërish, atëherë përmasat mund të jenë më të mëdha, deri në zbritje nga Superiorja. Urojmë që kjo mos të ndodhë në të mirë të futbollit shqiptar, por paradoksi më i madh është se kjo situatë bardhebluve i ka ardhur nga një ish-lojtar i tyre. Jo vetëm ish-futbollist, por edhe tifoz i deklaruar i 24-herë kampionëve të Shqipërisë. Në këtë rast zë vend shprehja: "Kur gjëmën ta bën i joti".
Lexo gjithashtu
