Jose Mourinho është një nga trajnerët më të veçantë në botën e futbollit, për protagonizmin që tregon me skuadrat të cilat i drejton. I njohur si “Special One”, Mourinho tashmë është prej disa javësh është në krye të skuadrës londineze Tottenham. I ardhur aty për të ringritur skuadrën pas nisjes negative këtë sezon, Mourinho po fillon të bëj dallimin midis lojtarëve që do t’i mbaj në skuadër dhe ata që janë jashtë planeve të tij. Sëfundmi Mourinho ka komentuar dhe marrëdhënien me mesfushorin danez Christian Eriksen, i cili ka deklaruar se do të largohet.
“Unë mendoj se për sa kohë që gjërat nuk janë zyrtare, por hipotetike dhe spekulime, nuk ka asgjë për të komentuar. Unë kam biseduar me të, por dua të mbrojt interesat më të mira për klubin tim. Klubi është më i rëndësishëm se lojtarët dhe lojtarët janë më të rëndësishëm se unë. Por klubi është më i rëndësishëm se të gjithë. Kështu mendoj për të. Unë nuk do t’ju jap një përgjigje, mendoj se i takon atij të thotë se cila do të jetë e ardhmja e tij”, u shpreh Mourinho.
