Neymar Jr është jashtë fushave të blerta që prej tetorit të vitit të shkuar. Sulmuesi brazilian pësoi një dëmtim të rëndë, që rezultoi tepër fatal edhe për ekipin e Al Hilal. Tek këta të fundit Neymar u transferua verën e shkuar, madje firmosi për të përfituar 400 milionë euro në dy vite.
Neymar po e merr veten dita ditës dhe rikthimi pritet të jetë në fundin e muajit prill. Por gjatë kohës që po rikuperohet, Neymar është kritikuar shumë nëpër media apo edhe nga fansat duke e quajtur brazilianin “të shëndoshë”.
Kjo nuk i ka pëlqyer aspak 31-vjeçarit i cili u është përgjigjur me anë të një video.
“Në rregull, jam pakëz mbipeshë, por i shëndoshë? Nuk besoj”, këto janë fjalët që thotë Neymar dhe më pas tregon trupin, por edhe gishtin e mesit që ua drejton pikërisht kritikuesve.
Lexo gjithashtu
