Pas ndeshjes së Kombëtares kuqezi kundër Izraelit në "Elbasan Arena", futbolli shqiptar kthehet sot me ndeshjet e javës së 8-të të Kategorisë së Parë.
Ndeshje interesante në të dyja grupet, ku në atë të Veriut spikat transferta e Kamzës në Fushë-Krujë kundër Ilirisë, por dhe Burreli që pret një tjetër pretendente për Superligën, Besëlidhjen.
Lushnja-Apolonia është derbi në Grupin e Jugut, një ndeshje që pritet të dhurojë emocione mes dy ekipeve që i kanë dhënë jo pak futbollit shqiptar ndër vite. Bylis ka shansin të rikuperojë ndaj kryesuesve, pasi sot pret Sopotin në shtëpi, ndërsa Dinamo do të ketë si mysafir Tomorin, ekipin beratas në të cilin sot do të debutojë në stol, trajneri Gentjan Stojku i emëruar në këtë pozicion pas largimit të Bledar Sinellës.
Të gjitha ndeshjet do të luhen në orën 14:00 dhe newsport.al do të informojë për rezultatet e këtyre takimeve në mënyrë të vazhdueshme gjatë orarit në të cilën do të zhvillohen 9 sfidat e Kategorisë së Parë.
Elbasani-Pogradeci do të luhet më datë 23 nëntor në orën 14:00, për shkak se skuadra verdheblu do ta zhvillojë këtë përballje në "Elbasan Arena" dhe shtyrja e sfidës ishte e nevojshme për shkak se, në këtë impiant sportiv luajti dje Shqipëria kundër Izraelit.
Kategoria e Parë/ Java 8
Grupi A
Sot/ Ora 14:00
Iliria-Kamza
Tërbuni-Erzeni
Shënkolli-Kastrioti
Besa-Mamurrasi
Burreli-Besëlidhja
Grupi B
Sot/ Ora 14:00
Lushnja-Apolonia
Dinamo-Tomori
Shkumbini-Turbina
Bylis-Sopoti
23 Nëntor
Elbasani-Pogradeci Ora 14:00
Lexo gjithashtu
