Aleksander Ceferin njoftoi se nuk ka ndërmend të kandidojë për mandatin e tretë si president i UEFA-s në zgjedhjet e 2027-ës. Në një konferencë për mediat në Kongresin e Zakonshëm në Paris, kreu u futbollit europian zbuloi se e kishte marrë këtë vendim prej 6 muajsh.
“Sinqerisht, jam i lodhur nga COVID, jam i lodhur nga 2 luftëra, projekte pa sens se e të ashtëquajturës Super League. Jam gjithashtu i lodhur nga autoritete të vetëshpallura morale të cilët janë moral deri sa vjen puna për interesat e tyre personale.
Kam vendosur, le të them 6 muaj më parë, se nuk kam në plan të kandidoj më në 2027-ën. Arsyeja është që pas disa kohësh, çdo organizatë ka nevojë për gjak të freskët, por kryesisht sepse kam qenë larg familjes për 7 vite e do të jem për 3 të tjera deri në 2027-ën.
Unë qëllimisht nuk doja të shpalosja mendimet e mia për 2 arsye. E para, doja të shihja fytyrën e vërtetë të disa njerëzve dhe i pashë. Pashë të mirët dhe të këqinjt. Unë gjithmonë mund ta shoh veten time në pasqyrë dhe kam një jetë të bukur në futboll, kam një jetë të bukur jashtë futbollit gjithashtu”, deklaroi Ceferin.
Lexo gjithashtu
