Kjo merkato ka qenë shumë e nxehtë për sa i përket klubeve shqiptare, teksa Tirana ka bërë disa afrime me peshë por,ka patur zëra dhe për disa transferime të tjera. Ditë më parë u përfol për një interesim të Tiranës për ish-mbrojtësin e Kombëtares, Arlind Ajeti.
Ditën e sotme ai ka shuar të gjitha zërat për të ardhmën e tij. Sipas asaj që raportojnë mediat rumune 29-vjeçari ka nënshkruar një kontratë me klubin e CFR Cluj në Rumani. Mbrojtësi ka firmosur një kontratë 2 vjeçare me rumunët.
Kujtojmë që së fundmi Ajeti ishte pjesë e Pordenone në Seria C në Itali. Aventura me të cilën zgjati vetëm 1 vit pas transferimit të tij në korrik të 2022 nga skuadra e Padova. Këtë sezon në ligën e 3-të të Italisë ai zhvilloi plotë 32 paraqitje ku arriti të shënonte edhe 6 gola.
Lexo gjithashtu
