‘Xholi’ i Partizanit, Valentino Murataj, foli në intervistën pas ndeshjes me Egnatian, për mikrofonin e MCN TV. Të kuqtë u ndalën në një barazim 1-1 dhe Murataj shprehet se ishte një sfidë e vështirë për shkak të tragjedisë Duamena.
“Vinim pas një situate delikate me Duamenan. Ishim të shokuar, ishte një lojtar shembull dhe meriton respekt. Ndeshjen e kishim përgatitur me 60 minuta me intensitet të lartë. Egnatia bëri punën e vet duke na vënë në vështirësi, na u demtuan edhe 2 lojtarë e zbritëm në mbrojtje.
E rëndësishme është që krijojmë raste, golat do të vijnë. Kemi shënuar gola, kemi mbrojtjen më të mirë. Nëse krijojmë kaq raste sa sot, golat do të vijnë. Kemi gabuar në pasime, edhe për shkak të terrenit por edhe nga pakujdesia. Kemi gabuar vetë, jo nga presingu i Egnatias.”
Lexo gjithashtu
