
Ish-mbrojtësi i Manchester United, Rio Ferdinand që aktualisht është komentator në BT Sport ka folur për Harry Kane. Sulmuesi anglez u largua nga Tottenham në verën e fundit për tu transferuar tek Bayern Munich.
Deri më tani, Kane ka shënuar plot 21 gola dhe ka asistuar 7 herë për shokët e ekipit. Të gjitha këto statistika vijnë pas 16 ndeshjesh me bavarezët. Por bomberi anglez është gjithashtu edhe një sulmues që pëlqen shumë “hat-trick” ose tregolëshat. Të fundit e shënoi përballë Borussia Dortmund, që ishte i treti që shënon që nga transferimi tek Bayern.
“Ishte hat-triku i tij i tretë! Sa herë që e shoh emrin e Harry Kane të shfaqet në tabelën e ndeshjes, si shënues i tre golave, më vjen të vjell. Vazhdoj të mendoj: “Pse?”. Pse nuk bëri më shumë Manchester United për ta blerë atë?”, është shprehur legjenda e “Djajve të Kuq”, Rio Ferdinand.