Diego Lopez tërhiqet nga futbolli i luajtur. Portieri spanjoll ka vendosur të mbyllë karrierën e tij si futbollist në moshën 42-vjeçare.
"Ka ardhur koha të them lamtumirë dhe të angazhohem me gjëra të tjera që i kam pritur me padurim pas kaq vitesh", shkruan Lopez.
Lopez ka patur një karrierë të pasur e të gjatë ku ka luajtur me ekipe të mëdha si Real Madrid dhe Milan, por gjithashtu ka qenë pjesë e skuadrave si Villareal, Sevilla, Espanyol dhe Rayo Vallecano.
Gjatë karrierës së tij Lopez ka fituar 4 trofe. Trofeun e parë e ka fituar me madrilenët në 2007 kur u shpallën kampionë të Spanjës. Në sezonin 2013/2014 ka fituar Champions League dhe Kupën e Spanjës po me Realin dhe në sezonin 2020/2021 ka dalë kampion me Espanyolin në La Liga 2.
Ndërsa me Kombëtaren spanjolle, Diego Lopez ka luajtur vetëm një ndeshje, atë përballë Maqedonisë së Veriut më 12 gusht të vitit 2009.
Lexo gjithashtu
