Massimo Orlando ka folur për disfatën e djeshme të Juventusit kundër Maçabi Haifa. Ish-lojtari i njohur ka dhënë mendimin e tij duke u shprehur se Allegri duhet të largohet nga drejtimi i “Zonjës së Vjetër”.
Në një intervistë të dhënë për “TMË Radio” ai është pyetur fillimisht për Juventusin.
“Allegri ka të drejtë që nuk jep dorëheqjen. Mendova se mbrëmja e djeshme do të ishte pikë kthese pas paraqitjeve dëshpëruese të këtij ekipi. Më duket një skuadër që nuk luan, është i frikësuar. Për mendimin tim gjithçka është e improvizuar. Allegri nuk ndiqet nga lojtarët. E kam parë dje në mbrëmje, por për mua futbollistët s’e ndjekin. Po të isha në klub, pavarësisht problemit ekonomik, do të kisha marrë një vendim tjetër. Ata mendojnë se mund t’i zgjidhin problemet me të. Ne do të shohim nëse kanë të drejtë”, ka thënë Orlando.
I pyetur më tej për penalltinë e shumëdiskutuar të Milanit, ish-futbollisti u shpreh:
“Penalltia dhe kartoni i kuq vranë ndeshjen. Nuk ishte penallti. Dje ka pasur edhe një penallti të bujshme që nuk u dha nga Cuadrado. Pse nuk u protestua në atë moment? Sepse janë të pamotivuar. E shoh Juven shumë keq. Klubi duhet të ketë guximin të thotë se është një cikël i përfunduar dhe sa më shpejt të fillojë për të bërë më mirë”, përfundoi ai.
Lexo gjithashtu
