Interi u kualifikua në finalen e Kupës së Italisë pasi mposhti mbrëmjen e djeshme 1-0 Juventusin në gjysmëfinalen e dytë mes tyre. Por përpos rezultatit “dhimbjet e kokës” për Simone Inzaghin kanë nisur tashmë.
Dyshja e mesfushës Barella dhe Calhanoglu u zëvendësuan në pjesën e dytë pas shqetësimeve muskulore që ndjenë. Kjo gjë ka bërë që Inzaghi të shqetësohet pasi dyshja titullare është tepër e rëndësishme për skuadrën zikaltër dhe të dielën do të ndeshen ndaj Lazios, një ndeshje tepër vendimtare për rrugëtimin e Interit për një vend në Champions League sezonin e ardhshëm.
Gjithsesi, mjekët kanë kërkuar të paktën 24 orë kohë për të dhënë një përgjigje përfundimtare. Simone Inzaghi siç duket nuk i del dot kundër fatit. Dëmtimet e njëpasnjëshme në mesin e fushës janë shansi i Krisjan Asllanit të luajë titullarë. Në të tilla, nëse pas vizitave mjekësore asnjëri nga lojtarët nuk ia dela, atëherë mesfushëori shqiptar me shumë gjasa do të marr edhe “çelësat’ e mesfushës së zikaltërve.
Lexo gjithashtu
