Milani u rikthye te titulli kampion në Serie A pas plot 11 vitesh. Kuqezinjtë e drejtuar nga Stefano Pioli, pas 38 javësh, e mbyllën kampionatin në krye, me 86 pikë, ndërsa Interi në vend të dytë, me 84 pikë.
Kampionati i sivjetshëm në Serie A ka qenë shumë i rivalizuar mes dy skuadrave të Milanos, por në fund, ishin kuqezinjtë ata që festuan. Klubi i Interit e ka uruar Milanin për këtë arritje, por kurrsesi nuk mund të mungonte një ngacmim.
“Urime Milanit! Ka qenë një rivalitet brilant këtë sezon. Shihemi vitin tjetër…” Duket se dy ekipet e Milanos janë ngritur vitet e fundit dhe sezonin e ardhshëm, pritet edhe një rivalitet shumë më i madh!
Congratulations to @acmilan. It’s been a brilliant contest this year. See you next season.
— Inter (@Inter_en) May 22, 2022