Pak orë larg na ndajnë nga finalja e madhe e Champions League, Manchester City – Inter. Anglezët, favorite absolut, janë ende në kërkim të trofeut të tyre të pare ndërsa Interi kërkon trofeun e 4-të. Simone Inzaghi ka idetë e qarta për formacionin titullar teksa dyshimi i vetëm është në mesfushë.
Për Interin, i sigurt për praninë në portë është André Onana. Në mbrojtje, linja e zakonshme me tre lojtarë me Darmian dhe Bastonin në të dyja anët e Francesco Acerbi që ka detyrën e vështirë për të ndalur Haaland.
Në sulm, Edin Dzeko duhet të jetë përkrah Lautaros , ndërsa dyshimi kryesor është në mesin e fushës. Dumfries dhe Dimarco do të jenë në krahë , ndërsa në qendër Calhanoglu dhe Barella janë të sigurt për një fanellë që në minutën e parë. Një mes Brozovic e Mkhitaryan, kjo është dilema e Inzaghit. Kroati shihet si më favorit pasi ka cilësi më të mira defensive por armeni ka shkëlqyer në ndeshjet e fundit sidomos me Milanin në gjysmëfinale.
Formacioni i mundshëm:
Inter (3-5-2): Onana; Darmian, Acerbi, Bastoni; Dumfries, Barella, Brozovic, Calhanoglu, Dimarco; Lautaro, Dzeko.
Trajner: Simone Inzaghi
Lexo gjithashtu
