Nesër, Inter do të luajë nesër kundër Udineses, ndeshje e vlefshme për javën e 19-të të Seria A. Kjo sfidë do të zhvillohet në orën 18:00 dhe para këtij takimi ka dalë në konferencën e zakonshme për shtyp Antonio Conte. Trajneri italian i zikaltërve është shprehur:
“Ne kurrë nuk duhet t’i nënvlerësojmë kundërshtarët në Serinë A. E pamë të mërkurën, kundër Atalantës. Udinese mund të krijojë vështirësi për këdo. Ata janë një ekip fizik, i strukturuar, me lojtarë cilësorë dhe të fortë në kundërsulm”.
Ndërkohë ai nuk la pa përmendur edhe derbin me Juventus ku skuadra e tij fitoi me rezultatin 2-0: “Kur mund ekipe të forta si Juventusi, patjetër që duhet të luash mirë dhe të bësh shumë pak gabime. Dhe ne bëmë mirë, shfrytëzuam dobësitë e tyre. Nuk bëmë asnjë gabim dhe fituam. Ne e kuptuam se jemi në rrugën e duhur. Kush luan dhe është trajner i Interit, referuar historisë dhe traditës duhet të përpiqet gjithmonë të marrë më të mirën. Ambicia duhet të jetë maksimumi për historinë e klubit. Dhe nesër ne duhet të jemi në 110%”.
Loading ...
