Luis Cavanda nuk do të firmos në Superligën e Kosovës. Ish-mbrojtësi i Lazio, Standart Liege, Torinos dhe Gallatasarait ka refuzuar të vijojë karrierën e tij te Trepça'89. 30-vjeçari kishte arritur akordin me skuadrën kosovare, por mediat vendase bëjnë me dije se lojtari ka ngelur I zhgënjyer nga nfrastruktura dhe fushat skandaloze që janë në Kosovë e për këtë arsye ka vendosur të largohet. Presidenti i Trepça'89, Abedin Zeka, zbuloi edhe arsyet e largimit të Cavanda.
"Me fushat, me objektet është i trishtuar. Unë e dërgova në zhveshtoret e reja, në fushat ndihmëse që i kemi super të mira, nuk ishte i kënaqur, paramendo ta dërgoj në zhveshtoret e Riza Lushtës apo te Dritës. Jemi duke u munduar ta bindim, i kemi tregu stadiumin 'Adem Jashari' e 'Fadil Vokrri", por ka refuzuar", u shpreh Zeka. Cavanda tashmë do të transferohet në Kinë dhe shumë shpejt do të bëhet zyrtarizimi.
Lexo gjithashtu
