Sulmuesi shqiptar Mërgim Berisha e ka mbyllur bashkëpunimin me ekipin e Bundesligës së dytë gjermane Magdeburg. 20-vjeçari luajti vetëm 4 ndeshje gjatë 6 muajve dhe nuk bindi dot drejtuesit e klubit gjerman. Ai do të kthehet te ekipi i Salzburgut, por sipas gjasave klubi i njohur austriak mund ta huazojë sërish në një ekip tjetër. Kështu konfirmon faqja gjermane e futbollit ” Volksstimme”.
“Me përfundim të parakohshëm të marrëveshjes, Berisha ndoshta do të huazohet në ndonjë klub tjetër në Austri për të fituar përvojë dhe për ta kthyer formën që e kishte te Salzburgu. Rast i mirë do të jetë edhe për Magdeburgun që ndoshta do të gjejë një sulmues më të mirë dhe më efikas sesa Berisha”, shkruan media gjermane.
Berisha është rritur në akademinë e Salzburgut, por për shkak të moshës së re, klubi vendosi ta huazonte në Gjermani. Ai nuk është aktivizuar në karrierë me asnjë përfaqësuese, as me Shqipërinë, as me Kosovën.
Loading ...
