Më 14 shtator të këtij viti pritet që të mbahen zgjedhjet për presidentin e ri të UEFA-s. Përpara zgjedhjes së tij, partnerët e UEFA-s po ideojnë që të krijojnë një kampionat që të rivalizojë Champions dhe Europa League.
Bajerni, Juventus, Barcelona dhe Real janë ndër mbështetësit më të zjarrtë të këtij projekti, i cili do të krijonte një kampionat të mbyllur dhe me vende të rezervuara për ekipet elitare europiane, por që do të funksiononte si një kampionat i vërtetë.
Do të quhet Superliga Europiane dhe do të përbëhet nga 24 skuadrat më të mëdha të Europës. Vendet do të jenë të kufizuar, ndërsa do të kopjohet NBA në SHBA. Kjo do të eklipsonte ekonomikisht kampionatet kombëtare të skuadrave pjesëmarrëse, pasi vëmendja do të fokusohej në të.
Ky kampionat elitar do të krijohet për të sjellë sa më shumë të ardhura në klubet përkatës, pasi e drejta televizive do të ketë një çmim të madh, i cili do t’iu jepte një tjetër fuqi ekonomike ekipeve që do të marrin pjesë në të.
Por, veç anëtarëve me votën “pro”, ka edhe nga ata që kundërshtojnë. Bëhet fjalë për Anglinë, e cila nga e shitja e të drejtës televizive të Premier League siguron 3.3 miliardë euro në sezon. Ndërkohë që të drejtat televizive të Champions dhe Europa League të marra së bashku nuk tejkalojnë 1 miliardë euro.
Lexo gjithashtu
