Zlatan Ibrahimoviç do të jetë disa javë jashtë fushave të blerta për shkak të një dëmtimi muskular. Suedezi është ftuar nga organizatorët e Sanremos për të qenë prezent në gjitha netët e këtij spektakli.
39-vjeçari është gjithmonë në qendër të vëmendjes së mediave për shkak të performancës së tij në fushë ose deklaratave thumbuese jashtë saj. Së fundmi ai ka dhënë një prononcim për mediet italiane ku ka përmendur Romelu Lukakun me të cilin pati një përplasje në derbin e para disa javëve.
"Nuk kam asnjë problem personal me Lukakun. Ato që ndodhin në fushë, mbeten aty, ndaj nëse dëshiron është i mirëpritur në Sanremo. Është një eksperiencë e re për mua dhe nuk e di çfarë më pret, megjithatë jam i sigurt që do të argëtohemi shumë. Sigurisht që më mirë do të ishte të luaja futboll dhe të shënoja gola", ka thënë ai.
Lexo gjithashtu
