Galatasaray është një nga ekipet pretendente për të fituar titullin në Turqi dhe për këtë duhen përforcime. Tashmë me mbylljen e merkatos së verës, drejtuesit kanë nisur të mendojnë për “blindimin” e liderve të skuadrës.
Në listë i pari që udhëheq është portieri, Fernando Muslera. Kontrata e këtij të fundit përfundon në verën e ardhshme dhe drejtuesit kanë nisur të mendojnë për rinovimin e kontratës.
Drejtuesit i kanë ofruar një kontratë 2-vjeçare, deri në verën e vitit 2026, por do të ketë dhe ulje page. 1.5 milionë euro në sezon. Diçka e tillë është pranuar nga lojtari, me palët që tashmë presin vetmë të zyrtarizojnë arritjen e marrëveshjes.
Muslera është pjesë e Galatasaray nga korriku i vitit 2011, kohë kur ai u largua nga Lazio për 6.8 milionë euro, me 37-vjeçarin që numëron 469 ndeshje dhe ka shënuar edhe një gol me skuadrën turke.
Lexo gjithashtu
