Me shumë mundësi, Thiago Alcantara do t’i japë lamtumirën Liverpoolit në fund të sezonit aktual. Mesfushorit nuk i ka shkuar ashtu siç priet aventura në ‘Anfield’ ku shpeshherë është ndalur nga dëmtimet.
Kontrata e tij me Liverpool skadon në fund të qershorit të këtij viti dhe nuk ka asnjë bisedim për ta rinovuar atë.
Teksa ish-i i Bayernit po e mendon seriozisht jo vetëm largimin nga “The Reds” , por edhe nga Anglia. Ofertat për 32-vjeçarin nuk mungojnë, ku më së shumti e duan ekipet italiane, të cilat besojnë ende në klasin e spanjollit.
Interi dhe Juventusi janë futur në ‘garë’ për të siguruar shërbimet e Thiagos. Lojtari do të jetë një okazion pasi mund të transferohet me parametra zero, por pritet vendimi përfundimtar i Thiagos. Nuk përjashtohet as mundësia që 32-vjeçari të transferohet në Arabi.
Por momentalisht dy ekipet kryesore që kanë treguar interesim serioz dhe që janë në “Pole Position” janë pikërisht “Zonja e Vjetër” dhe zikaltrit.
Lexo gjithashtu
