Ilkay Gundogan, mesfushori i Manchester Cityt dhe i Gjermanisë, i dha titullin kampion skuadrës së drejtuar nga Pep Guardiola. 30-vjeçari ka bërë një sezon shumë të mirë dhe shpeshherë mbajti edhe shiritin e kapitenit.
U përfol edhe për një largim të Gundogan nga Manchester City, pasi kërkonte të luante titullar në çdo ndeshje, si dhe të mos ishte pjesë e rotacioneve të shpeshta të Guardiolës. Por, vetëm Gundogan, po ashtu edhe Guardiola, i kanë refuzuar këto zëra, duke i quajtur thjesht thashetheme.
Gundogan shënoi dy gola ditën e djeshme në sfidën e fundit kundër Aston Villa, për t’i dhënë fitoren 3-2 “qytetarëve” dhe njëkohësisht edhe titullin kampion. Pas ndeshjes, Gundogan u shpreh: “Një ndër ditët më emocionale të jetës time. Çfarë mënyrë për t’u shpallur kampionë të Anglisë... sërish!”.
One of the most emotional days of my career so far - what a way to become CHAMPIONS OF ENGLAND 🏆😍 ... again. #CmonCity 💙 pic.twitter.com/9d8LrIWNdz
— Ilkay Gündogan (@IlkayGuendogan) May 22, 2022
Lexo gjithashtu
