Sandro Tonali u dënua me 10 ndeshje pezullim për thyerjen e rregullave të vënieve të basteve gjatë kohës kur luante për Milanin në Itali. Por, sado e çuditshme duket, ai ende mund të luajë ndeshjen e rradhës për Newcastle ndaj Wolves pavarësisht dënimit.
Arsyeja pse ka shumë shanse që kjo të ndodhë është sepse dënimi është ende i ‘pavulosur’, pra nuk është ende zyrtarisht i përfunduar. Procesi pritet të përfundojë gjatë kohës së ndeshjes dhe tani për tani, ai është në planet e trajnerit Eddie Howe.
“Nuk kemi ende asnjë konfirmim zyrtar për klubin. Asnjë gjë nga autoritetet italiane kështu që po presim konfirmimin zyrtar. Ka një shans shumë të madh që ai të jetë i gatshëm, duhet të ndodhin disa gjëra para se dënimi të vihet në fuqi ndaj le të shohim”, u shpreh trajneri.
Lexo gjithashtu
