Joao Cancelo u transferua te Barcelona në formë huazimi nga Manchester City në merkaton verore të këtij viti. Në momentin e prezantimit të tij në “Camp Nou”, portugezi u shpreh se ishte një ëndërr e plotësuar për të që të luante me fanellën e katalanasve.
Deri më tani 29-vjeçari ka luajtur 21 ndeshje, ku ka gjetur 3 herë rrugën e rrjetës dhe ka dhuruar dy asistime. Këto statistika, Cancelo i ka në ndeshjet mes La Liga-s dhe Champions League. Por, pavarësisht se është në huazim, në një intervistë të dhënë së fundmi, Cancelo thotë se shpreson që Barcelona ta blejë përfundimisht kartonin e tij në fund të sezonit.
“Unë kam qenë gjithmonë tifoz i Barcelonës. Jam rritur duke parë ndeshjet e Barçës. E pata të lehtë të përshtatesha sepse e dashuroj këtë klub. Më pëlqejnë shumë dinamikat e klubit, kështu që ishte shumë e lehtë për mua të përshtatesha shpejt këtu”, është shprehur Cancelo.
Pep Guardiola? – “Është bukur të punosh me të, por dëshira ime ishte të vija te Barcelona. Shpresoj të mbetem këtu edhe pas përfundimi të huaziit. Por është herët për të folur për këtë çështje, të shohim se çfarë do të ndodhë gjatës verës”, tha më tej portugezi.
Lexo gjithashtu
