Liverpool u mposht dje 4-1 nga Napoli, ndeshje e vlefshme për fazën e grupeve të Champions League. Jurgen Klopp ka folur pas disfatës në stadiumin “Maradona” ku është shprehur i mërzitur me mënyrën se si të tijtë performuan.
Ai i ka kërkuar fillimisht falje tifozëve për paraqitjen e turpshme të ekipit anglez. Para gazetarëve, Klopp ka thënë:
“Ishte një natë shumë zhgënjyese, kështu që më duhet t’u kërkoj falje tifozëve. Problemet që kishim ishin të dukshme. Së pari, Napoli luajti shumë mirë dhe ne luajtëm shumë keq.
Pse luajtëm kaq keq? Nuk mund të injorojmë fillimin e keq dhe dy penalltitë, por pyetja është pse djemtë nuk luajtën mirë. Është detyra ime ta zgjidh këtë. Është përgjegjësia ime. Me Alisson në portë, duhet të jemi shumë të dobët që të ndodhë ai rezultat. Duket sikur duhet të rigjejmë veten. Ka shumë gjëra që mungojnë”, ka përfunduar ai.
Lexo gjithashtu
