Mirel Josa nuk do të vazhdojë në krye të Laçit, teksa trajneri i ri te bardhezinjtë pritet të jetë Armando Cungu. Mirel Josa regjistronte me skuadrën e tij 10 ndeshje pa humbje në Superiore, para se Skënderbeu të fitonte 0 me 1 në Laç.
Kjo disfatë nuk u kapërdi, pasi bardhezinjtë ndodhen tashmë vetëm 2 pikë larg vendit të 8 që mban Teuta. Gjatë këtyre 10 ndeshjeve, 8 kanë qenë barazime dhe vetëm 2 fitore. Barazimet shihen dhe si shkak që e penalizuan Josën, pasi në fund konvertohen vetëm 1 pikë.
Në total, Josa drejtoi 20 ndeshje të Laçit këtë sezon në Superiore. 4 ishin fitore, 11 barazime dhe 5 të tjera humbje. Kështu në total ka arritur të grumbullojë 23 pikë nga 30 që gëzon Laçi në total.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
